Graduada superior nas especialidades de Óboe e de Dirección de Orquestra, Banda e Coro polo Conservatorio Superior de Oviedo (Asturias); ademais realizou un Mestrado en Ensinanzas Artísticas de Estudos Avanzados en Interpretación na especialidade de Óboe na ESMUC (Barcelona) e o Mestrado de Dirección de Orquestra en AIDO e ESMAR (Valencia).

En novembro de 2022 foi finalista no I Concurso Internacional de Dirección de Banda ‘Vila de Bétera’, mentres traballaba como profesora na Escola de Música Farré (Barcelona) e dirixía a Banda de Música la Nova de l’Ollería (Valencia). Ademais, dirixiu numerosas agrupacións tales como a Banda Municipal de Barcelona, a Banda do Ateneo Musical de Mieres, a Orquestra Sinfónica da ESMAR ou a Joven Orquesta da FSMCV, entre outras. Como oboísta, colaborou con multitude de agrupacións entre as que destacan a Orquesta Simfònica del Vallés, a Orquesta Sinfónica do Principado de Asturias ou a Oviedo Filarmonía.

Actualmente é profesora de óboe no Conservatorio Profesional Coppelia (Vigo), directora do Coro da ACV de Candeán (Vigo), directora da Coral Santa Eulalia de Luarca (Asturias), directora da Banda de Música Municipal de Ribadumia e profesora na Agrupación Musical do Rosal.