Guitarrista e compositor nado en Vigo. Ten o Grao Superior en Jazz polo Conservatori del Liceu e un mestrado en música como arte interdisciplinar pola Universidade de Barcelona – ESMUC. Formouse con profesores como Leo Brouwer, Joan Albert Amargós, Jorge Rossy, Seamus Blake, Tim Miller y Ben Street, entre outros.
Formou parte de proxectos musicais moi diversos como Catpeople, Recitals a domicili, Yexza Lara Quartet, Iago Marta- Rubén Fernández, Sireno e Why Go, tocando gran cantidade de xéneros (jazz, pop, poesía musicada, rock, folk…). Gravou varios discos con proxectos propios e colaboracións: Son do mar (2013) de Iago Marta-Rubén Fernández, Camino (2017) e Encuentros (2014) de Yexza Lara Quartet, Recitals a domicili (2014) e Iago Marta Trio (2011), e tocou con músicos como Sebastián Merlín, Jordi Bonell, Roger Blavia, Jon Robles, Pablo Selnik e Félix Rossy.
Participou en festivais e ciclos como Arenal Sound, FIV de Vilalba, Manzanijazz, Festival de Teatro da UB, Música als parcs, Nunoff, entre outros, e tocou en salas de todo o estado español como Jamboree, Kafe Antzokia, Auditorio do Conservatori del Liceu e Auditorio Víctor Villegas.
Nos últimos anos, centrouse na música para imaxe. Compuxo a banda sonora dos cortometraxes Las vacas de Wisconsin (2016) e Nelson (2016), da productora Eldedoenelojo. Tamén compuxo para cortometraxes documentais como O Castelo da froita (2017) e actualmente está traballando noutros proxectos de ficción, animación e teatro.