Obtén o título de percusión no Conservatorio Superior de Música de Badajoz. Paralelamente, fórmase cos percusionistas da “Orquesta de Extremadura” Víctor Segura e Esteban Morales. Posteriormente trasládase a Bélxica onde estuda o mestrado en percusión solista e un ano do “Mestrado Avanzado en Música Contemporánea” co ensemble Ictus de Bruxelas.

Especializado en música contemporánea, colaborou con grupos como Container Ensemble, Vertixe Sonora, Sonido Extremo, GAME Ensemble, Insitu… No ámbito orquestral, traballou con: Orchestre Philarmonique Royal de Liège, Ópera e Ballet de Flandes, Ópera nacional de Bélxica (La Monnaie), Ópera Real de Valonia, “Orquesta de Extremadura”… participando en diferentes teatros e festivais de Francia, Países Baixos, Bélxica, Luxemburgo, Alemaña, Portugal ou España.

Destacar a súa clasificación para as semifinais do HONDA COMPETITION OF CLASSICAL MUSIC no ano 2017.
Na actualidade, Pablo traballa como profesor de percusión no CMUS do Carballiño (Ourense) e codirixe Pulso Ensemble.