No curso 2024/2025 comeza un novo proxecto educativo musical no Rosal. Un soño e un novo camiño no que a Agrupación Musical do Rosal leva traballando dende hai varios anos.

O noso centro foi autorizado pola Consellería de Educación da Xunta de Galicia a través da Orde publicada no DOG 97 do 21/05/2024, para impartir as ensinanzas reguladas oficiais de Grao Profesional a partir do curso 2024/2025.

O titular do centro é a Agrupación Musical do Rosal e está situado no Auditorio Municipal do Rosal.

O Grao Profesional desenvólvese en 6 cursos académicos e ao seu remate obtense o Título Profesional de Música na especialidade correspondente.

Para cursar estudos no CEMU Profesional da Agrupación Musical do Rosal os/as aspirantes deben superar a correspondente proba de acceso. O nivel necesario será o equivalente ao 4º curso de Grao Elemental.